Båten vart sjøsett som «BÅREGUTT» oktober 1967 til Tormod Andersen, og hadde heimehavn på Stonglandseidet på Senja. Første maskin var då ein Heimdal totakt semidiesel 35-45hk.  Båten fekk fiskerinr.T18TN

Først på 80 tallet vart Heimdalen bytta ut med ein seks sylinder Cummins 180hk.  Båten fekk og nytt rorhus i aluminium.

Båten vart solgt tidleg på 90 tallet til Gryllefjord og omdøypt «NILS JUNIOR»     Solgt til Rørvik i 1995? Fekk då attende sitt opprinnelege navn «BÅREGUTT»  Ny motorinstallasjon i 1997 (noverande maskin), og nytt shelterdekk. I 2011/2012 vart navnet endra til «SVENES», før den vart seld og strukturert i 2012/2013.

Båten vart då kjøpt av foreininga «Fiskebåt på lavt nivå» i Harstad, og omdøypt til «BRAHMA». Dei hadde båten fram til 2017, då noverande eigar overtok båt og foreining. Båten var i dårlig forfatning når me henta den. Den vart seilt frå Harstad til Radøy for eigen maskin i Mars 2017.

Båten har no heimehavn på Boga, Radøy utanfor Bergen. Dei to siste åra har det vorte gjort  mye reparasjon og vedlikehold, er pr. dags dato i «topp stand»!  Båten har sjølvsagt fått attende sitt originale navn.